افتح اليوتيوب حتى لو النت بطئ

عندك النت بطئ واليوتيوب بيقطع معاك كثير ؟ .. خاصية جديدة موجودة فى اليوتيوب ناس كثيرة مش تعرفها وهى خاصية الـ Feather .. دى بتخلى الفيديو يتعرض لك بافضل طريقة وكويلتى ممكنة ومتناسبة مع السرعة بتاعتك 

هاتعملها ازاى؟

1- تدخل على اليوتيوب 
2- تنزل تحت خالص .. حتلاقى حاجة اسمها Try something new 
3- الصفحة اللى حتفتح معتاك حتلاقى فيها اربع اختيارات أختار الأختيار الثالث " Feather " بالضغط على "Try it out" 
4- حتفتح معاك صفحة جديدة أضغط على الـ button اللى مكتوب فيه "Join The "Feather" Beta" 

إزاى تشتغل مع العملاء بشكل احترافى ؟ من imidos

أعلنت شركة "جوجل" عن إطلاق خدمة جديدة لمستخدمي بريدها الإلكتروني

 "Gmail" تسمح لهم بتقرير مصير بياناتهم الشخصية المحفوظة في البريد الالكتروني بعد الوفاة.

الخدمة الجديدة تعطي إمكانية تحديد المدة الزمنية التي يعتبر الحساب بعدها معطلاً أو "غير فعّال" (Inactive)، وتحدد بثلاثة أو ستة أو تسعة أشهر أو سنة.

ويتم احتساب المدة الزمنية اعتباراً من آخر تسجيل دخول للمستخدم إلى حسابه ، ويتم تنبيه المستخدم عبر البريد الالكتروني البديل أو الرسائل النصية قبل انتهاء المدة.

ويمكن للمستخدم أن يحدد قائمة من جهات الاتصال الموثوقة من أصدقائه أو العائلة ليتم تنبيههم بأن الحساب لم يعد فعّالاً. كما تسمح الخدمة بمشاركة بعض البيانات معهم آلياً بعد انتهاء المدة المحددة لفعالية الحساب.

ويوجد خيار آخر يسمح بحذف الحساب بشكل نهائي.

وبحسب إعلان "جوجل" فقد اطلقوا هذه الخدمة أملاً بأن تساعد المستخدم بالتخطيط لحياته الالكترونية بعد انتهاء حياته الفعلية، وذلك بما يسمح بحفظ خصوصيتهم والتخفيف عن الأهل والمقربين بعد ان توافيه المنية.

ازاى تقدر تشتغل من البيت

شغلك من البيت عودك على الكسل..مش حابب تنزل من البيت؟.. يومك مش منظم..كل حاجة داخلة فى بعضها؟

دي 4 نصائح لحل مشاكل العمل من البيت

* أخرج من البيت

أنت بتصحى، بتاكل، بتنام وبتشتغل فى بيتك، ومع الوقت هتلاقى أيام بتعدى عليك من غير ما تفكر تنزل من بيتك.. ده هيؤثر على نفسيتك سلباً.

كل يوم ولو لنص ساعة حاول تنزل من بيتك حتى لو هتعدى الطريق لاقرب كافيه جنبك، مجرد إنك تنزل من بيتك هترجع تانى لشغلك وكل نشاط وحيوية.

* أطفى الكمبيوتر 

بمجرد ما تخلص شغلك اقفل الكمبيوتر ولو ساعة..خد راحة من كل شىء..وخلى الساعة دى مخصصة لنفسك..اقرا..العب..اتفرج على حاجة بتحبها..اقعد من غير ما تعمل اى حاجة..المهم انك تفصل.

* ارسم لنفسك خطوط حمرا

شغلك من البيت بيدي ايحاء للى حواليك انك متاح فى أى وقت..يقدروا يعدوا عليك..يتصلوا بيك..وممكن يرغوا بالساعات.

ارسم خطوط حمرا..عندك شغل فى الوقت داهيبقى مش هتقدر تستقبل حد او تكلم حد الا لما ميعاد شغلك ينتهى.

* اعمل لنفسك روتين يومى

اظبط المنبه كل يوم على نفس الميعاد..جهز فطار..اشرب القهوة..اقرا الجرنال.. خد فكرة عن اخر اخبار السوشيال ميديا، وبعدها ابدأ شغلك فى نفس الميعاد كل يوم..ده هينظم يومك جدا..وهيبقى فى وقت للشغل ووقت لحياتك الخاصة.

إزاي توازن بين الشغل والدراسة؟

إزاي توازن بين الشغل والدراسة؟

من غير ما تخسر أي واحدة منهم

أولًا: مين فيهم أهم؟

أول ما هتبتدي تفكر في إجابة على سؤال “مين فيهم أهم” .. من غير أي تفكير هتقرر إن الشغل أهم خصوصًا لو كنت مابتحبش مجال دراستك وكنت مجرد بتدرس عشان الشهادة الجامعية مهمة بالنسبة لك .. لكن الحقيقة هي إن طالما إخترت تشتغل وانت بتدرس فالإتنين مهمين .. ومفيش واحدة منهم أهم من التانية.

ثانيًا: مواعيدك

أكتر حاجة ممكن تضايقك لما تحاول توازن بين شغلك ودراستك هو المواعيد، وإن ممكن جدًا تبقى ساعات عملك في نفس وقت محاضراتك أو دروسك .. وعشان كده حاول ترتب مواعيد شغلك ودراستك بحيث ماتخسرش حاجة من الإتنين.

ثالثًا: الساعات المقفولة
حدد وقت معين في اليوم تقفل الموبايل .. تقفل الانترنت وتقفل كل حاجة وتذاكر
وحدد وقت تاني برضه في اليوم تقفل الموبايل وتقفل الانترنت وتقعد تشتغل

رابعًا: ذاكر أولًا بأول
هي نصيحة قديمة شوية .. بس دي الحقيقة لو كل حاجة أخدتها في دراستك ذاكرتها في نفس اليوم هيبقى سهل عليك تذاكر قبل الامتحان وماتضطرش تاخد أجازة من شغلك عشان تزوّد وقت لمذاكرتك قبل الامتحانات

خامسًا: بُكرة هو حالًا
ماتأجلش حاجة لبُكرة .. الحاجات اللي بتتأجل أغلبها مابياخدش طويل لكن تأجيلها هيفضل مخلّي ذهنك مش صافي ولا هتعرف تركز في الشغل أو المذاكرة

سادسًا: يوم الأجازة
أيام أجازتك من شغلك خليها فرصة إنك تكافيء نفسك على إنك طول الاسبوع قدرت توازن بين شغلك ومذاكرتك وتشوف اصحابك اللي يا إما بيدرسوا أو بيشتغلوا .. وممكن جدًا لو الأجازة أكتر من يوم إسبوعيًا تخلي يوم منهم تعمل فيه الحاجات اللي ناقصة في شغلك أو تراجع فيه على كل اللي إنت أخدته في دراستك طول الإسبوع

سابعًا: ماتعملش جداول
أول حاجة بتيجي في بال أي حد عشان يقسّم وقته بين أكتر من حاجة إنه يعمل جدول لوقته .. الغلط في كده إن عمرك ما هتعرف إنت بتقضي وقت قد إيه في أي حاجة .. لكن هتساعدك جدًا النقطة اللي جاية

ثامنًا: تكنيك بومودورو Pomodoro Technique
تكنيك بومودورو بيتلخص في إنك بتخلي ساعاتك المقفولة اللي بعيدة عن كل الحاجات اللي ممكن تعطلك أو تشغلك عن اللي بتعمله إنها تبقى متقسّمة لفترات أصغر .. فترة طويلة بتشتغل فيها أو بتذاكر وفترة أصغر للراحة.
أفضل الممارسات في الموضوع ده وصلت لإن أفضل مدة للشغل هي 25 دقيقة شغل وبعدها 5 دقايق راحة وبعد كده بومودورو تانية (25 دقيقة شغل) و5 دقايق راحة وهكذا .. وكل أربعة بومودورو بتاخد بعدهم راحة أطول ممكن تبقى ربع ساعه مثلًا وترجع تكمل .. وممكن البومودورو بالنسبة للمذاكرة تبقى 45 دقيقة مذاكرة والراحة ليها تبقى 5 دقايق وكل أربع فترات بومودورو 20 دقيقة راحة.
المفيد في الطريقة دي إنك بتذاكر وعقلك عارف إن فيه وقت هيرتاح فيه وبعد كده تكمل وهكذا .. ده بيخليك تستعيد نشاطك طول الوقت وماتحسش بالإرهاق مهما طالت مدة شغلك لإنك في كل الأحوال على قد شغلك على قد ما هترتاح .. وفي نفس الوقت بتحس إنك بتنجز حاجات كتير في وقت قليل وعمرك ما هتكسّل لإنك في كل الاحوال بتاخد “Break” كل شوية.

تاسعًا: قبل الامتحانات النهائية
ممكن جدًا تاخد أجازة قبل امتحاناتك النهائية أو ترتب شغلك حسب جدول امتحاناتك وتخلص الشغل اللي بتعمله بدري عن معاده شوية عشان وقت الامتحانات يبقى عندك وقت للمذاكرة والتفرغ ليها .. وطبعًا مديرك لازم يعرف بمواعيد إمتحاناتك عشان لو فيه حاجة يقدر يساعدك فيها .. وعشان يبقى عارف الأوقات اللي هتبقى متغيب فيها عن شغلك. زملائك في الشغل كمان لو شغلهم معتمد عليك حاول تخلص الشغل ده بأسرع ما يمكن عشان ماتبقاش بتعطلهم.
أخيرًا: لو هتشتغل وانت بتدرس حاول يبقى شغل
 part-time ومايحتاجش مواعيد ثابتة .. أو شغل من البيت..

الخاصية دي لسه جديدة في Google Translate انك ممكن تحتفظ بترجمات معينة في phrasebook وانت مسجل دخول
، بحيث لو حبيت ترجعلها "عشان الترجمات في جوجل بتتغير من وقت للتاني حسب المقترحات".. جرربها من علامة النجمة تحت الترجمة Save to Phrasebook